Sumny rekord: 145 patanułych za adzin tydzień
Pryčym 54 ź ich — za vychadnyja.
Apošni tydzień u Biełarusi staŭ rekordnym za apošnija 30 hadoŭ pa kolkaści patanułych. Jak paviedamili ŭ Biełaruskim respublikanskim tavarystvie ratavańnia na vodach, z 12 pa 18 lipienia ŭ vadzie zahinuli 145 čałaviek, u tym liku vosiem dziaciej.
Niepasredna pry kupańni ŭ vadajomach zahinuli 123 čałavieki, pryčym 54 — tolki za vychadnyja. Śpiecyjalisty źviazvajuć pavieličeńnie kolkaści niaščasnych vypadkaŭ na vadzie z haračym nadvorjem. Pryčynaj amal usich zdareńniaŭ stała elemientarnaje parušeńnie praviłaŭ biaśpiečnych pavodzinaŭ na vadzie: mnohija z patanuŭšych znachodzilisia ŭ stanie ałkaholnaha apjanieńnia.
Bolš za 100 čałaviek na minułym tydni byli vyratavanyja, udałosia praduchilić bolš jak 400 niaščasnych vypadkaŭ.
Pavodle apieratyŭnych źviestak, z pačatku 2010 hoda pa 18 lipienia ŭ Biełarusi ad traplańnia vady ŭ dychalnyja šlachi zahinuli 609 čałaviek, ź jakich 51 niepaŭnaletni. Za hety ž pieryjad vyratavany 481 hramadzianin, papiaredžany 4 tysiačy 215 niaščasny vypadkaŭ.
Što tyčycca inšych nastupstvaŭ anamalna śpiakotlivaha nadvorja, to, jak paviedamili BiełaPAN u Minskaj haradskoj stancyi chutkaj miedycynskaj dapamohi, u stalicy fiksujecca niaznačnaje pavieličeńnie vyklikaŭ pa pryčynie straty prytomnaści, insultaŭ, ciepłavych i soniečnych udaraŭ. U pryvatnaści, za apošnija vychadnyja było zarehistravana 10 vypadkaŭ ciepłavych udaraŭ i adzin — soniečnych apiokaŭ.