StudRada vyznačyła samuju pryjaznuju da studentaŭ VNU Minska
Prafsajuznaja supołka «Studenckaja rada» praviała daśledavańnie, jakuju VNU sami navučency ličać samaj pryjaznaj da studentaŭ. Pieršaje miesca ŭziała Akademija kiravańnia.
«StudRada» staviła na mecie stvareńnie rejtynhu zručnaści univiersitetaŭ dla studentaŭ. Nie razhladałasia jakaść adukacyi, bralisia da ŭvahi tolki sacyjalnyja aśpiekty. Daśledavańnie ažyćciaŭlałasia ŭ
U asnovu daśledavańnia kłalisia try hałoŭnyja krytery: efiektyŭnaść orhana studenckaha samakiravańnia, ažyćciaŭleńnie bazavych pravoŭ studentaŭ, niezaležnaść studenckich ŚMI.
Pavodle atrymanaha rejtynhu, treciaje miesca (9,7 bałaŭ z 33 mahčymych) zaniaŭ MIPSA (Mižnarodny instytut pracoŭnych i sacyjalnych adnosinaŭ), jaki zasnavała Fiederacyja prafsajuzaŭ.
Na druhim miescy, z rejtynham 10,3 apynuŭsia Mižnarodny dziaržaŭny ekałahičny univiersitet imia Sacharava.
Lideram rejtynhu, z adryvam u 5 bałaŭ, stałasia Akademija kiravańnia pry prezidencie Respubliki Biełaruś (15,6 bałaŭ z 33).
U hetym instytucie raźvitaje samakiravańnie, jano maje surjoznyja paŭnamoctvy. U asnoŭnym nie parušajucca pravy studentaŭ, administracyja cikavicca ich dumkaj. Pa efiektyŭnaści studenckaha samakiravańnia hetaja ŭstanova taksama zaniała pieršaje miesca.
Adnačasova daśledavańnie vyjaviła značnuju pasiŭnaść studentaŭ. Bolšaść (41%) nie cikavicca vybarami u orhany studradaŭ. Kala čverci apytanych jaki minimum adzin raz pryciahvalisia da prymusovaj pracy. Na błahoha vykładčyka 60% studentaŭ skardzicca nie źbirajucca, tolki 8% ličać, što jaho možna zamianić, kali zachoča ŭsia hrupa. Pa piacibalnaj škale siaredniaja adznaka zadavolenaści apytanych svaim univiersitetam skłała 3,25.
Pry ŭźniknieńni prablemaŭ, 83% studentaŭ buduć źviartacca da dekana, a nie ŭ samakiravańni.