Piaty tankier ź vieniesuelskaj naftaj prybudzie praz Estoniju
Syravinu ź jaho skirujuć na «Naftan», a nie ŭ Mazyr.
Pa infarmacyi ZAT» Biełaruskaja naftavaja kampanija «i estonskaha porta Muuha, čarhovaja partyja vieniesuelskaj nafty ŭ abjomie 80 tys.t budzie pastaŭlena ŭ Biełaruś tranzitam praz Estoniju ŭ treciaj dekadzie lipienia.
Vieniesuelskaja nafta, jakuju dastaviać piatym tankieram ŭ estonski port, budzie pierapracavanaja na AAT «Naftan». Papiarednija pastaŭki nafty ź Vieniesueły ŭ Biełaruś ažyćciaŭlalisia praz Adeski port i pryznačalisia dla pierapracoŭki na Mazyrskim NPZ.
Paśla taho, jak vieniesuelskaja nafta budzie pastaŭlena ŭ estonski port, jaje treba źlić u jomistaści. Paśla hetaha pačniecca pahruzka na čyhunačny transpart. Naftu pieraviazuć cysternami. BČ płanuje zadziejničać dla hetaha 22–23 čyhunačnych sastavaŭ. Čas pieravozki vuhlevadarodnaj syraviny pa čyhuncy ŭ Biełaruś z Estonii budzie mienšym, čym z Ukrainy. Kali pamiž Adesaj i Mazyrom adlehłaść kala 1051 km, to pamiž portam Muuha i Navapołackam — 850 km.
Pakul nie viadoma, ci budzie vieniesuelskaja nafta i ŭ dalejšym pastaŭlacca ŭ Biełaruś praz estonski port.
Pahadnieńnie ab pastaŭkach vieniesuelskaj nafty ŭ Biełaruś była padpisanaja ŭ sakaviku biahučaha hoda. Pavodle damoŭlenaściaŭ prezidentaŭ dźviuch krain, ahulny abjom jaje pastaŭki pavinien skłaści za 12 miesiacaŭ kala 4 młn.t. Pieršaja partyja vuhlevadarodnaj syraviny ź Vieniesueły (80 tys.t) była dastaŭlena ŭ marski port Adesy ŭ kancy krasavika biahučaha hoda. Z Adesy naftu pieravieźli na Mazyrski NPZ.