U Minsku źjaviacca arendnyja damy
Arendnyja žyłyja damy źjaviacca ŭ Minsku. Pra heta paviedamiŭ staršynia Minharvykankama Mikałaj Ładućka siońnia na pasiedžańni meryi, na jakim razhladalisia pytańni raźvićcia ŭ stalicy budaŭničaj haliny.
«My pavinny z 2011 hodu pačać budaŭnictva ŭ Minsku arendnaha žylla. Hetaje žyllo my budziem davać u arendu daktaram, małodšamu miedpiersanału, nastaŭnikam i inšym śpiecyjalistam, kab zamacavać kadry», — rastłumačyŭ jon.
Ideja ŭźviadzieńnia tak zvanych dachodnych, abo arendnych, damoŭ abmiarkoŭvałasia daŭno. Varyjant arendy kvateraŭ pa razumnych cenach moža stać prymalnym dla biudžetnikaŭ, maładych siemjaŭ, inšaharodnich i mnohich inšych katehoryj hramadzian.Uładalnikam arendnych damoŭ mohuć vystupać jak dziaržava, tak i bujnyja kampanii, pryvatnyja asoby, niekamiercyjnyja arhanizacyi.
Instytut dadzienaha typu žylla aktyŭna raźvity ŭ śviecie. Dola arendnaha žylla, naprykład, u Hiermanii składaje 60%, u Šviecyi — 57%, u Niderłandach — 55%, u Japonii i ZŠA — kala 35%. Arendnyja damy jość i ŭ krainach SND — Rasii i Kazachstanie.