U Lachavickim rajonie kiroŭca naśmierć źbiŭ piešachoda i ŭciok ź miesca zdareńnia
U Lachavickim rajonie ŭviečary 13 kastryčnika ŭ vyniku darožna-transpartnaha zdareńnia zahinuŭ piešachod, paviedamlaje UUS Bresckaha abłvykankama.
Kala 20:30 30‑hadovy žychar Lachavičaŭ jechaŭ na aŭtamabili Volkswagen pa Savieckaj vulicy ŭ vioscy Zadvorje. Kala doma № 27 jon najechaŭ na 38‑hadovaha miascovaha žychara, jaki znachodziŭsia na prajeznaj častcy i ŭ ciomny čas sutak nie abaznačyŭ siabie śviatłoadbivalnym elemientam.
Piešachod zahinuŭ na miescy zdareńnia. Paśla avaryi kiroŭca ŭciok, ale nieŭzabavie supracoŭniki milicyi jaho zatrymali.
Pa fakcie zdareńnia raspačali kryminalnuju spravu pavodle častki 2 artykuła 317 Kryminalnaha kodeksa Biełarusi.