Minhandlu vyznačyła hraničnyja ceny na harodninu i jabłyki na mižsiezonny pieryjad
Ministerstva antymanapolnaha rehulavańnia i handlu Biełarusi vyznačyła maksimalnyja razdrobnyja ceny na płodaaharodninnuju pradukcyju na mižsiezonny pieryjad 2026—2027 hadoŭ, piša ahienctva «Minsk-Naviny».
Fota ilustracyjnaje
Hetyja ceny tyčacca pradukcyi, jakuju pastaŭlajuć sa stabilizacyjnych fondaŭ dla respublikanskich dziaržaŭnych patreb. Handlovaja nadbaŭka na jaje nie moža pieravyšać 30%.
Maksimalnyja ceny za adzin kiłahram z ulikam PDV składajuć: na ahurki — 9,16 rubla, pamidory — 10,36 rubla, bulbu — 1,11 rubla, buraki — 1,23 rubla, morkvu — 1,41 rubla, kapustu — 1,70 rubla, cybulu — 1,77 rubla, jabłyki — 4,80 rubla.
Terminy dziejańnia cenavych abmiežavańniaŭ dla roznych praduktaŭ adroźnivajucca. Na ahurki jany buduć dziejničać z 1 listapada 2026 hoda da 31 sakavika 2027 hoda, na pamidory — z 1 listapada da 30 krasavika 2027 hoda.
Dla bulby, morkvy i burakoŭ abmiežavańni ŭvodziacca z 15 listapada 2026 hoda da 31 maja 2027 hoda. Na kapustu, cybulu i jabłyki hraničnyja ceny buduć dziejničać z 15 listapada 2026 hoda da 30 krasavika 2027 hoda.
Čytajcie taksama:
Uviali licenzavańnie na ŭvoz jabłykaŭ
Brescki hubiernatar prapanavaŭ pierastać impartavać zamiežnyja jabłyki