Kvitki na elektryčku zaraz možna apłacić na vakzale praz QR-kod
Biełaruskaja čyhunka ŭviała novy farmat apłaty biletaŭ na ciahniki ź nienumaravanymi miescami, paviedamlaje pres-słužba BČ.
Na stancyi Minsk-Pasažyrski bilety na elektryčki i dyziel-ciahniki možna apłacić praz servis imhniennych płaciažoŭ «Krok».
Raźličycca pa QR-kodzie možna ŭ kasavych voknach pieršaha paviercha pravaha kryła staličnaha vakzała. Pakul takim čynam možna apłacić bilety na ciahniki haradskich i rehijanalnych linij ekanomkłasa.
Akramia taho, praz «Krok» ciapier možna apłacić pražyvańnie ŭ haścinicy «Ekspres», raźmieščanaj niepadalok ad vakzała pa adrasie: Pryvakzalnaja płošča, 3.
Pasłuhi haścinicy možna apłacić taksama z dapamohaj smartfona, razumnaha hadzińnika i fitnies-branzaletaŭ z padtrymkaj NFC.