Udar pa Charkavie: paranienyja 11 čałaviek, pad zavałami doma znajšli cieły troch čałaviek
Rasijanie atakavali Charkaŭ učora viečaram.
U vyniku rasijskaha ŭdaru pa Charkavie ŭviečary 12 kastryčnika paciarpieli 11 čałaviek, pad zavałami žyłoha doma znajšli cieły troch čałaviek, piša «Ukrainskaja praŭda».
«Pad udaram apynulisia žyłyja kvartały i abjekty hramadzianskaj infrastruktury ŭ Chaładnahorskim i Šaŭčenkaŭskim rajonach horada. Adna z rakiet trapiła ŭ čatyrochpaviarchovy žyły dom, u vyniku čaho padjezd byŭ całkam razburany. Pad zavałami mohuć znachodzicca ludzi», — paviedamiŭ u sacsietkach haradski hałava Ihar Cierachaŭ.
U Dziaržaŭnaj słužbie pa nadzvyčajnych situacyjach dadali, što padčas likvidacyi nastupstvaŭ udaru paciarpieŭ ratavalnik. Jaho špitalizavali.
Na inšych miescach taksama zafiksavali pažary i razbureńni.