U Homieli znoŭ źjavilisia «biežancy z Danbasa». Machlarskaja schiema pracuje ŭžo bolš za 10 hadoŭ

U pačatku kastryčnika 2026 hoda ŭ Homieli znoŭ zaŭvažyli hrupu ludziej, jakija pradstaŭlalisia ŭciekačami z Ukrainy i prasili pra dapamohu. Naprykład, u Navabielickim rajonie ŭ pryvatnym siektary ludzi chadzili pa vulicach i źbirali dapamohu. Pra heta pišuć u homielskich čatach, zaŭvažyŭ «Fłahštok».

Vakzał u Homieli. Ilustracyjny zdymak

Pavodle słoŭ vidavočcaŭ, tyja, chto prasiŭ dapamohi, zajaŭlali, što nibyta ich, bolš za 300 čałaviek, pryvieźli na ciahniku z Horłaŭki i pakinuli žyć u vahonach u tupiku kala vakzała. Pry hetym ich nie kormiać, tamu ludzi prasili dapamahčy chto čym moža — ježaj, vopratkaj.

Mnohija nibyta vieryli, davali dapamohu i navat źbiralisia arhanizavać maštabnuju akcyju pa zbory rečaŭ i praduktaŭ.

Adnak z upeŭnienaściu možna skazać, što da homielcaŭ čaplalisia nie biežancy, a machlary. Hetaj historyi ŭžo 12 hadoŭ — jašče z 2014 hoda, paśla pačatku zachopu Rasijaj terytoryi Danieckaj vobłaści Ukrainy, u Homieli pieryjadyčna źjaŭlajucca takija «biežancy» i raskazvajuć adnu i tuju ž lehiendu. Naprykład, pra heta paviedamlali ŭ 2015 hodzie.

Što tyčycca Horłaŭki, to hety horad byŭ amal adrazu akupavany Rasijaj i dahetul znachodzicca pad jaje kantrolem.

Kamientary da artykuła