U Novałukomli Tadevuš Kandrusievič aśviaciŭ abraz, stvorany štučnym intelektam
Takoje ŭpieršyniu adbyłosia ŭ Biełarusi, a mahčyma, i ŭ śviecie.
Na abrazie — Karła Akucis — italjanski padletak, jaki raspaŭsiudžvaŭ katalickuju vieru praź internet i staŭ pieršym śviatym milenijałam.
11 kastryčnika ŭ kaściole śviatoj Maryi Mahdaleny ŭ Novałukomli arcybiskup-emieryt Tadevuš Kandrusievič błahasłaviŭ novy abraz śviatoha Karła Akucisa, paviedamlaje Katolik.life.
Pra toje, što vyjavu śpiecyjalna stvaryli z dapamohaj štučnaha intelektu, padčas anłajn-tranślacyi imšy raskazaŭ probašč parafii ksiondz Mikałaj Lipski.
Abraz raźmiaścili ŭ bakavym ałtary. Jon budzie słužyć zasłonaj dla abraza hałoŭnaj apiakunki parafii — śviatoj Maryi Mahdaleny.
Pavodle probašča, vyjavy hetych dvuch śviatych złučajuć jevanhielskuju historyju I stahodździa z patrebami sučasnaha ličbavaha śvietu.
Karła Akucis stvaryŭ internet-katałoh eŭcharystyčnych cudaŭ i vykarystoŭvaŭ sieciva dla raspaŭsiudžvańnia katalickaj viery. Jon pamior va ŭzroście 15 hadoŭ, a ŭ 2025 hodzie byŭ kananizavany. Jaho nazyvajuć apiekunom moładzi i internetu.
Jak piša Katolik.life, u sacsietkach častka viernikaŭ raskrytykavała inicyjatyvu parafii. Jany śćviardžajuć, što zhienieravanuju štučnym intelektam vyjavu nielha ličyć abrazom i pierad joj nie varta malicca.