Palitźniavolenuju Volhu Brycikavu na siem sutak źmiaščali ŭ ŠIZA
Pavodle infarmacyi pravaabaroncaŭ «Viasny», naprykancy traŭnia palitźniavolenuju aktyvistku niezaležnaha prafsajuznaha ruchu Volhu Brycikavu źmiaścili na siem sutak u štrafny izalatar homielskaj kałonii № 4.
Pryčyna spahnańnia nieviadomaja. Pry hetym administracyja kałonii parušyła praceduru: pierad źmiaščeńniem u ŠIZA Volhu nie ahledzieŭ lekar.
Volha Brycikava — byłaja staršynia niezaležnaha prafsajuza «Naftana». Jana adpracavała na pradpryjemstvie 16 hadoŭ, ale praz svaju pazicyju była zvolnienaja. Asudžanaja na 5 hadoŭ kałonii pa palityčnych artykułach.