Ryžankoŭ spadziajecca na paciapleńnie adnosin z Polščaj
«Ja skazaŭ: my hatovyja da adnaŭleńnia stasunkaŭ, handlovaha supracoŭnictva».
Maksim Ryžankoŭ. Skrynšot videa: ANT
Ministr zamiežnych spraŭ Biełarusi Maksim Ryžankoŭ spadziajecca na paciapleńnie adnosin z Polščaj.
Jon kaža, što padčas sustrečy ź ministram zamiežnych spraŭ Polščy Radasłavam Sikorskim, jakaja była 22 vieraśnia na palach Hienasamblei AAN u Ńju-Jorku, nie hučała ŭzajemnych pretenzij.
«Uzajemnych pretenzij nie było naohuł, tamu što i my, i palaki razumiejem, što ruchacca napierad treba. Vielmi dobra, što takaja sustreča adbyłasia. Jana była svoječasovaj. Pytańni, jakija my abmiarkoŭvali, u pryncypie, vielmi aktualnyja dla našych krain», — skazaŭ kiraŭnik MZS u efiry «Biełaruś 1».
Razam z tym jon nahadaŭ, što nie Biełaruś uvodziła pieršaj sankcyi ci zakryvała pamiežnyja pierachody.
«Ja skazaŭ: my hatovyja da adnaŭleńnia stasunkaŭ, handlovaha supracoŭnictva, bolš aktyŭnaha ŭzajemadziejańnia na miažy. Polski bok heta ŭžo bačyć, i papraknuć nas niama ŭ čym», — zajaviŭ dypłamat.