U rasijskaj Branskaj vobłaści praz ataku USU parušyŭsia ruch ciahnikoŭ
U Branskaj vobłaści Rasii, jakaja miažuje ź Biełaruśsiu, praz ataku USU na čyhunačny most parušany ruch ciahnikoŭ. Pra heta paviedamiŭ hubiernatar rehijona Jahor Kavalčuk.
Zdymak ilustracyjny
Pa słovach Jahora Kavalčuka, most atakavali ŭ Vyhanickim rajonie. Paciarpiełych niama.
Čyhunačnyja znosiny na maršrucie Bransk — Unieča — Homiel parušanyja. Ciahnik Maskva — Navazybkaŭ budzie dajazdžać da stancyi Bransk-Arłoŭski. Dalej pasažyraŭ buduć pieravozić aŭtobusami praz Vyhaničy, Počap, Unieču i Klincy da Navazybkava. U zvarotnym kirunku praduhledžany taki samy aŭtobusny maršrut, a ad stancyi Bransk-Arłoŭski da Maskvy pasažyry zmohuć dajechać ciahnikom.
Ciahnik ź Minska ŭ Adler nakirujuć praz Smalensk da stancyi Bransk-Arłoŭski, a zatym u zvarotnym kirunku.
Čytajcie taksama:
Ciahnik Adler — Minsk znoŭ źmianiaje svoj maršrut
1 vieraśnia na Homielščynie byŭ zboj u pracy pasažyrskich ciahnikoŭ. Pryčynaj staŭ vybuch u Rasii
Ukraincy ŭdaryli na naftavym terminale ŭ Rastoŭskaj vobłaści