U Brytanii praapieravali kata Łary, jaki ŭžo 15 hadoŭ pracuje hałoŭnym myšałovam u rezidencyi premjer-ministra.
Łary znoŭ chodzić pa budynku, dzie ŭžo 15 hadoŭ staranna sočyć za tym, kab nie było hryzunoŭ.
Kot Łary znoŭ błukaje pa kalidorach ułady, demanstrujučy vialiki šnar i vyhaleny ŭčastak poŭści. Fota: No10 Downing Street/Ben Perry
U Łondanie zrabili terminovuju apieracyju 19‑hadovamu katu-dziaržaŭnamu słužboŭcu Łary, jaki aficyjna pracuje hałoŭnym myšałovam kiraŭnika ŭrada ŭžo pry siomym premjer-ministry. Žyviole vydalili kistu, paviedamlaje The Telegraph.
Katu, jakomu pavodle čałaviečych mierak bolš za 90 hadoŭ, zrabili nievialikuju apieracyju, paśla jakoj jon pastupova adnaŭlajecca. Žyvioła ŭžo adčuvaje siabie lepš, choć paśla pracedury zastaŭsia vialiki šnar i ŭčastak skury z vyhalenaj poŭściu.
Krynica z rezidencyi premjer-ministra na Daŭninh-stryt paviedamiła radyjostancyi LBC, što Łary znoŭ chodzić pa budynku, dzie ŭžo 15 hadoŭ staranna sočyć za tym, kab nie było hryzunoŭ.
«Jon adčuvaje siabie značna lepš, ale pavodzić siabie aściarožna, krok za krokam. My ŭdziačnyja vieterynaram za cudoŭny dohlad», — napisali ŭ pres-słužbie premjer-ministra Brytanii Endzi Biornema.
Čytajcie taksama:
Sumny kot Łary adzinoka siadzić na hanku Daŭninh-stryt. Jon pieražyŭ šeść premjeraŭ FOTAFAKT
Kot Łary na hanku Daŭninh-stryt, 10 sustrakaje novaha haspadara FOTAFAKT
Kot Łary źbieh z rezidencyi na Daŭninh-stryt, kali tudy zajšoŭ Zialenski VIDEA