Pad Brestam 17‑hadovaha chłopca zasmaktała ŭ vientylacyjnuju trubu. Jon zahinuŭ
Trahiedyja adbyłasia padčas vyprabavańniaŭ prytočnaj vientylacyjnaj ustanoŭki.
Fota: SK
Na pradpryjemstvie «Biełtechkam» kala Bresta padčas vyprabavańniaŭ prytočnaj vientylacyjnaj ustanoŭki zahinuŭ 17‑hadovy padsobny rabočy
Pra heta paviedamiŭ Śledčy kamitet.
Chłopiec pracavaŭ pa damovie padradu.
Śledstva vyśvietliła, što jon stajaŭ pobač z abstalavańniem, i strumień pavietra zaciahnuŭ jaho ŭnutr.
Fota: SK
Zaviedzienyja kryminalnyja spravy suprać asob, jakija na pradpryjemstvie adkazvali za vykanańnie praviłaŭ achovy pracy. Spravy zaviali pa č. 2 art. 306 Kryminalnaha kodeksa (parušeńnie praviłaŭ achovy pracy, jakoje pa nieaściarožnaści pryviało da śmierci čałavieka) i č. 1 art. 144 (pryčynieńnie śmierci pa nieaściarožnaści).