Tramp parazvažaŭ, ci zasłuhoŭvaje Nobieleŭskaj premii miru
Pry hetym Tramp pryznaŭ, što sumniavajecca ŭ svaich šancach atrymać «Nobiela».
Fota: Alex Brandon-Pool/Getty Images
Prezident ZŠA Donald Tramp, jaki viadzie vajnu ź Iranam i dahetul nie zdoleŭ damahčysia miru va Ukrainie, zajaviŭ u sieradu, što jon pavinien byŭ by atrymać Nobieleŭskuju premiju miru, piša Reuters.
Pry hetym Tramp pryznaŭ, što sumniavajecca ŭ svaich šancach atrymać «Nobiela».
«Ja nie viedaju, jakim budzie ich rašeńnie», — skazaŭ Tramp pra premiju 2026 hoda, pra prysudžeńnie jakoj Nobieleŭski kamitet Narviehii abvieścić u piatnicu.
«U ich jość reputacyja ludziej, jakija, napeŭna, nie prysudžajuć jaje takim ludziam, jak ja», — dadaŭ jon.
Łaŭreat Nobieleŭskaj premii miru budzie nazvany ŭ piatnicu a 12‑j hadzinie. Letaś premiju atrymała lidarka vieniesuelskaj apazicyi Maryja Karyna Mačada.