U Biełaruskaj čyhunki novy ideołah — a kudy dzieŭsia stary?

Piatro Stocki z 2010 hoda adkazvaŭ na Biełaruskaj čyhuncy za arhanizacyju ideałahičnaj i kadravaj pracy, a taksama dyscyplinu.

Dniami jon adpraviŭsia na piensiju. U mai jamu akurat spoŭniłasia 63 hady.

Na jaho miesca pryznačyli Alaksandra Chomčanku, jaki da hetaha pracavaŭ načalnikam viciebskaha adździaleńnia Biełaruskaj čyhunki.

Alaksandr Chomčanka. Fota: belrw_official

Piotr Stocki. Fota: rw.by

Piotr Stocki byŭ uzornym ideołaham. Trapiŭšy ŭ kresła namieśnika čyhunki ŭ 2010 hodzie paśla ŭzhadnieńnia jaho kandydatury Łukašenkam, Stocki padtrymlivaŭ dziaržaŭny kurs: arhanizoŭvaŭ prapahandysckija sustrečy kalektyvu z pradstaŭnikami vybarčaj kamisii, a ŭ 2020 hodzie, paśla sfalsifikavanych vybaraŭ, staŭ datyčnym da zvalnieńnia supracoŭnikaŭ, jakija ŭdzielničali ŭ mirnych akcyjach pratestu.

Infarmacyja pra Piatra Stockaha ciapier niedastupnaja na sajcie čyhunki. Skrynšot z archivaŭ rw.by

Apošnim publičnym vystupam pierad vychadam na piensiju dla Stockaha staŭ udzieł u dyjałohavaj placoŭcy, pryśviečanaj tak zvanamu Dniu narodnaha adzinstva na Homielskim vahonabudaŭničym zavodzie.

Kamientary da artykuła