Biełaruś minimalna pieramahła Finlandyju
Paśla čatyroch turaŭ Lihi nacyj nacyjanalnaja kamanda maje šancy na pavyšeńnie.
Matč Biełaruś — Finlandyja, što prajšoŭ učora ŭ Budapiešcie, skončyŭsia ź likam 1:0
Arciom Šumanski zabiŭ užo na 14‑j siekundzie matča. A paśla Zachar Vołkaŭ jašče i nie realizavaŭ pienalci.
Ałbanija ŭčora na apošniaj chvilinie vyrvała pieramohu nad San-Maryna 2:1, zabiŭšy pieramožny hoł ź pienalci na apošniaj chvilinie.
Paśla čatyroch turaŭ: Ałbanija — 9, Biełaruś — 7, Finlandyja — 7, San-Maryna — 0.
Astatnija matčy Lihi nacyj projduć u listapadzie.
Kamanda Biełarusi zhulaje z San-Maryna (12 listapada) i Ałbanijaj (15 listapada).
Zbornaja, što zojmie pieršaje miesca ŭ hrupie, aŭtamatyčna vyjdzie ŭ macniejšy dyvizijon B.
Kamanda, jakaja finišuje druhoj, budzie hulać stykavy matč z kamandaj, što zojmie apošniaje miesca ŭ adnoj z hrupaj dyvizijona B (na siońnia čaćviortyja miescy ŭ svaich hrupach zajmajuć Paŭnočnaja Makiedonija, Hruzija, Izrail, Rumynija).