Na Niamizie pradajuć histaryčny budynak 19 stahodździa
U Minsku na Niamizie na aŭkcyjon vystavili histaryčny budynak pačatku XIX stahodździa. Pačatkovaja cana — 2,6 młn rubloŭ, piša Realt.
Trochpaviarchovy budynak znachodzicca na Rakaŭskaj, 12A. Heta naŭprost za biełym doŭhim domam na Niamizie, jaki nazyvajuć domam Musinskaha.
Hety budynak źjaŭlajecca historyka-kulturnaj kaštoŭnaściu. Pabudavany ŭ pačatku XIX stahodździa. Zaraz u im raźmieščanyja ofisy.
Naležyć hety budynak dziaržaŭnaj kampanii BiełVTI, jakaja zajmajecca pierapracoŭkaj adchodaŭ.
Płošča — 522 kvadratnyja mietry. Pačatkovaja cana — 2,607 miljona dalaraŭ (kala 867 tysiač dalaraŭ).
Razam z budynkam da novaha ŭłaśnika piarojduć i dziejučyja damovy z arandatarami.
Tarhi pravodzić Minski abłasny centr inviestycyj i pryvatyzacyi.