Žycharka Mazyra zdavała ŭ arendu čužyja kvatery ŭ Minsku
U minskuju milicyju źviarnulisia niekalki žycharoŭ i haściej stalicy, jakija stali achviarami machlarstva pry sprobie źniać kvateru na praciahły termin. Pa padazreńni ŭ machlarstvie apieratyŭniki zatrymali 33‑hadovuju žycharku Mazyra.
Zdymak ilustracyjny. Fota z sacyjalnych sietak
Jak vyśvietliłasia, žančyna raźmiaščała ŭ internecie abjavy ab zdačy kvater i vykarystoŭvała dla ich čužyja fatahrafii, uziatyja z adkrytych krynic. Jana aktyŭna pierapisvałasia z patencyjnymi arandatarami, ale pad roznymi nadumanymi pryčynami adkładała ahlad žylla. Časam jana pryvodziła ludziej u kvateru, dzie sama žyła, choć zdavać jaje nie źbirałasia.
Kali patencyjnyja arandatary zhadžalisia na prapanavanyja ŭmovy, žančyna patrabavała ad ich adrazu pieraličyć abo pieradać joj asabista pieradapłatu — jašče da zaklučeńnia damovy i pieradačy klučoŭ. Paśla atrymańnia hrošaj jana pierastavała vychodzić na suviaź.
U dačynieńni da padazravanaj raspačatyja kryminalnyja spravy. Ahulnaja suma ŭstanoŭlenaj škody pieravysiła 2 tysiačy rubloŭ.
Jašče dvoje patencyjnych arandataraŭ svoječasova zapadozryli padman, nie stali pieraličvać hrošy i adrazu źviarnulisia ŭ milicyju. Pa hetych faktach pravodzicca pravierka.
Čytajcie taksama:
Spynienaja dziejnaść kurjeraŭ telefonnych machlaroŭ. Zatrymanyja 19 čałaviek
Machlar prykidvaŭsia siłavikom i duryŭ adzinokich bahatych žančyn