Z čaho składajecca košt kubačka kapučyna ŭ minskaj kaviarni?

U Biełarusi padličyli, z čaho składajecca košt kubačka kapučyna ŭ kaviarni. Dla raźliku ŭziali napoj abjomam 250 mililitraŭ u adnarazovym papiarovym kubačku, jaki pradajecca za 7 rubloŭ u pryvatnaj kaviarni adnaho sa spalnych rajonaŭ Minska, piša sb.by.

Zdymak ilustracyjny. Fota: magnific.com

Najbolšuju častku vydatkaŭ składaje zarobak barysty — 24% ad koštu. Jašče 14% prypadaje na prybytak uładalnika kaviarni, 11% — na arendu pamiaškańnia.

Košt kavavaha ziernia składaje 8,3%, padatki i abaviazkovyja adličeńni — 8%. Na amartyzacyju i absłuhoŭvańnie abstalavańnia prypadaje 7%, małako dadaje da sabiekoštu 6,3%, a kamunalnyja vydatki — 6%.

Jašče 5% składajuć administracyjnyja vydatki, 5% — košt adnarazovaha papiarovaha kubačka, 3% — inšyja raschodnyja materyjały. Na bankaŭskaje absłuhoŭvańnie i ekvajrynh prypadaje 2%.

Kavavaje ziernie ŭ Biełarusi źjaŭlajecca impartnym praduktam, tamu jaho košt zaležyć u tym liku ad vahańniaŭ cen na suśvietnym rynku.

Kamientary da artykuła