U minskim mietro mohuć zapuścić bieśpiłotnyja ciahniki
Niadaŭna taki pieršy ciahnik byŭ zapuščany ŭ Pieciarburhu ŭ testavym režymie.
Bieśpiłotny ciahnik u Pieciarburhu
Bieśpiłotnyja ciahniki rasijskaj vytvorčaści płanujuć zapuścić u minskim mietro. Pra heta paviedamlaje Blizko.by sa spasyłkaj na Pieršy kanał.
«Bieśpiłotniki» pastavić «Transmašchołdynh» — rasijskaja kampanija, jakaja vałodaje zavodam «Mietravahonmaš», čyje ciahniki absłuhoŭvajuć staličnuju padziemku z samaha jaje zasnavańnia.
«Litaralna niekatory čas tamu my zapuścili pieršy taki ciahnik u Sankt-Pieciarburhu. Praces pajšoŭ, što nazyvajecca», — paviedamiŭ hiendyrektar «Transmašchołdynh» Kirył Lipa.
Terminy realizacyi prajekta i inšyja detali pakul nie paviedamlajucca.