Ryžankoŭ: Dla sustrečy Łukašenki i Trampa robiacca adpaviednyja kroki
Ministr zamiežnych spraŭ raskazaŭ, čamu sustreča nie adbyłasia ŭ minułym hodzie.
Kałaž: AP Photo, Tatan Syuflana, Andrew Harnik / Getty Images
U Minsku razhladajuć sustreču Donalda Trampa i Alaksandra Łukašenki ŭ «praktyčnaj płoskaści», dla jaje arhanizacyi robiacca adpaviednyja kroki, zajaviŭ u intervju RIA Naviny kiraŭnik MZS Biełarusi Maksim Ryžankoŭ.
«My sapraŭdy razhladajem sustreču prezidentaŭ u praktyčnaj płoskaści, i dla hetaha robiacca adpaviednyja kroki», — skazaŭ jon ahienctvu na palach Hienieralnaj asamblei AAN u Ńju-Jorku.
Ministr nahadaŭ pra zaprašeńnie ad Trampa na adras Łukašenki pryniać udzieł u Radzie miru, jakaja pravodziłasia ŭ ZŠA letaś.
«Ale, viedajecie, šerah techničnych pytańniaŭ prosta nie dazvoliŭ nam hetaha zrabić. I sprava nie ŭ amierykanskim baku, a ŭ tym, što siońnia dabracca ź Biełarusi da Złučanych Štataŭ Amieryki dastatkova składana z ulikam sankcyj, jakija Jeŭrapiejski sajuz uvioŭ piersanalna suprać prezidenta i ŭ dačynieńni da pralotaŭ našych samalotaŭ», — dadaŭ Ryžankoŭ.