Na aŭkcyjonie ŭ Hankonhu karcinu Šahała pradali za 6,3 miljona dalaraŭ

U Hankonhu zaviaršylisia pieršyja ŭ hetym siezonie tarhi sučasnaha mastactva. Jak zvyčajna, na ich byli pradstaŭlenyja niekalki rabot Marka Šahała. Adna ź jaho karcin — «Sialanie» — była pradadziena za bolš čym 6,3 miljona dalaraŭ, piša Office Life.

Karcina «Sialanie» Marka Šahała. Fota: Sotheby's

Mark Šahał napisaŭ «Sialan» u 1971 hodzie, kali žyŭ u kamunie Sien-Pol-de-Vans na paŭdniovym uschodzie Francyi razam sa svajoj druhoj žonkaj Valancinaj Brodskaj. Na karcinie pakazanyja charakternyja dla tvorčaści mastaka vobrazy, a ŭ centry znachodziacca dvoje zakachanych. U adroźnieńnie ad mnohich inšych rabot Šahała, tut jany nie abdymajucca. Mahčyma, tak mastak, jak miarkujecca ŭ artykule, pieradavaŭ svaju nastalhiju pa domie i dziacinstvie.

Na viačernich tarhach sučasnaha i aktualnaha mastactva Sotheby's 28 vieraśnia karcina była pradadzienaja bolš čym za 6,3 miljona dalaraŭ pry acenačnym košcie zvyš 4 miljonaŭ. Papiaredni ŭładalnik nabyŭ jaje ŭ 2018 hodzie na aŭkcyjonie Christie's za 1,93 miljona dalaraŭ. Takim čynam, za vosiem hadoŭ košt karciny vyras bolš čym utraja.

Jašče adna rabota Šahała — «Hładyjołusy», stvoranaja ŭ 1950 hodzie, — była pradadziena na hankonhskich tarhach Sotheby's za 358,8 tysiačy dalaraŭ. Jaje acenačny košt składaŭ 570 tysiač dalaraŭ.

Karcina «Hładyjołusy» Marka Šahała. Fota: Sotheby's

Treciuju karcinu Šahała ŭ Hankonhu pradavali na aŭkcyjonie Christie's. Rabota na cyrkavuju tematyku syšła z małatka za 815 tysiač dalaraŭ, što na 115 tysiač dalaraŭ pieravysiła jaje acenačny košt.

Kamientary da artykuła