Akademija mastactvaŭ zastałasia bieź pieršaha prarektara

Kandydatka piedahahičnych navuk Alena Ratmirava, jakaja raniej zajmała hetuju pasadu, zvolniłasia sama, kažuć u Akademii.

Alena Ratmirava, były pieršy prarektar BDAM. Fota: bdam.by

Kresła pieršaha prarektara ŭ Biełaruskaj dziaržaŭnaj akademii mastactvaŭ vakantnaje ad paniadziełka.

«Čałaviek zvolniŭsia. Pakul my bieź pieršaha prarektara, nikoha nie pryznačyli», — paćvierdzili ŭ pryjomnaj.

U 1993 hodzie Alena Ratmirava skončyła Viciebski dziaržaŭny piedahahičny instytut (mastacka-hrafičny fakultet). Da 2006‑ha pracavała ŭ himnazii №10 Maładziečna nastaŭnicaj vyjaŭlenčaha mastactva i pracy.

Paralelna pastupiła ŭ aśpiranturu Nacyjanalnaha instytuta adukacyi. Abaraniła kandydackuju na temu «Dydaktyčnyja asablivaści zasvajeńnia vučniami 5-7 kłasaŭ elemientaŭ prajektnaj dziejnaści na ŭrokach technałohii». U 2021 hodzie skončyła daktaranturu.

U svoj čas Ratmirava zajmała pasadu dekana fakulteta padvyšeńnia kvalifikacyi ŭ Minskim abłasnym instytucie raźvićcia adukacyi. Paśla hetaha ŭładkavałasia ŭ Akademiju mastactvaŭ.

Alena Ratmirava pravodzić na mastackim fakultecie infarmacyjna-mietadyčnuju hadzinku «Vybary prezidenta Biełarusi: budučynia zaležyć ad nas», 2024 hod. Apošniaja zhadka pra jaje na sajcie akademii datujecca kancom studzienia. Fota: bdam.by

Viadoma, što ciapier Alena Ratmirava praciahvaje pracu ŭ Minskim haradskim instytucie raźvićcia adukacyi na kafiedry fiłasofii i humanitarnych prablem adukacyi.

Viasnoj u BDAM źjaviłasia novaja kiraŭnica — zamiest Michaiła Barazny na pasadu rektara pryznačyli architektarku Nastaśsiu Kałasoŭskuju. Svaju hałoŭnuju metu taja sfarmulavała jak «razbudzić Akademiju».

Kamientary da artykuła