U Tbilisi pjany rasijanin pamačyŭsia z bałkona na naviedvalnikaŭ kaviarni i kryčaŭ «Słava Rasii»
Akazałasia, jon — nastaŭnik i repietytar pa matematycy z Sankt-Pieciarburha.
Byłoha vykładčyka matematyki z Sankt-Pieciarburha asudzili ŭ Hruzii na 15 sutak aryštu. Paśla adbyćcia pakarańnia jaho departujuć i na try hady zabaroniać ujezd u krainu.
Incydent adbyŭsia ŭ žyłym kompleksie Monolith Green City u Tbilisi.
Na pieršym paviersie budynka znachodzicca kaviarnia z adkrytaj vierandaj, dzie ŭ toj momant adpačyvali naviedniki, u tym liku i ruskamoŭnyja.
Jak piša NewsGeorgia, niećviarozy mužčyna vyjšaŭ na bałkon i pamačyŭsia na ludziej, jakija siadzieli ŭnizie. Pry hetym jon kryčaŭ: «Słava Rasii».
Naviedniki kaviarni vyklikali palicyju. Rasijanin nibyta sprabavaŭ rastłumačyć svaje pavodziny tym, što jamu terminova spatrebiłasia ŭ prybiralniu, ale jana była zaniataja.
Pavodle rasijskaha telehram-kanała Mash, mužčyna raniej pracavaŭ piedahoham i repietytaram pa matematycy. Sud pryznačyŭ jamu 15 sutak administracyjnaha aryštu z nastupnaj departacyjaj.