U «Minsktransie» raskazali, kolki ŭ Minsku štomiesiac łoviać zajcaŭ
Na «palavańnie» vychodziać 350 kantraloraŭ.
U Minsku štomiesiac vyjaŭlajecca kala 5—6 tysiač bieźbiletnikaŭ u hramadskim transparcie. Pra heta raspavioŭ hienieralny dyrektar «Minsktransa» Kanstancin Hałałobaŭ, pišuć Minsk-naviny.
— U struktury našaha pradpryjemstva dziejničaje kantrolnaja słužba, u składzie jakoj kala 350 čałaviek, — adznačyŭ K. Hałałobaŭ. — Štomiesiac jany ŭ stalicy vyjaŭlajuć u siarednim kala 5—6 tysiač pasažyraŭ, jakija svoječasova nie apłacili prajezd u naziemnym hramadskim transparcie.
Štodnia ŭ horadzie pieravozicca kala 1 młn 200 tysiač pasažyraŭ.
Suadnosiny choć i kantrastnyja, tym nie mienš my budziem imknucca minimizavać kolkaść «zajcoŭ» u hramadskim transparcie Minska, dadaŭ čynoŭnik.