Volski źbiraje hrošy na klip pieśni «Pakidajem na potym»
U pačatku vieraśnia Lavon Volski prezientavaŭ pieśniu «Pakidajem na potym», zaraz abvieščany zbor hrošaj na klip Darji Kalady.
«Klip budzie pra čałavieka, u jakim zmoža paznać siabie kožny — jon amal dajšoŭ da kropki niezvarotu: ciažkaści, pakuty i strachi amal pieramahajuć jaho. Ale ŭ niejki momant jon znachodzić u sabie siły prajści praz hetyja emocyi, pražyć svoj hnieŭ i bol i vyjści z hetaha stanu inšym čałaviekam — macniejšym i svabodnym. My raspaviadziem hetuju historyju movaj vobrazaŭ: praz fłešbeki, asacyjacyi, ruch i darohu, jakaja robicca mietafaraj unutranaha šlachu hieroja. U centry klipa budzie aktor, zdolny pieradać uvieś hety składany kalejdaskop emocyj. Nu i lubimyja muzykanty, viadoma — Paša Trypuć, Aleś Myškievič, Pavieł Mamonaŭ. Heta budzie žyćcieśćviardžalnaje vidovišča», — zaznačajuć inicyjatary.
Nieabchodnaja suma — 2500 jeŭra
Uznaharoda fundataram
5 jeŭra — paštoŭka z vyjavaj Lavona Volskaha (aŭtarstva Darji Kalady), aŭtohrafam i piersanalnym podpisam ad Lavona Volskaha
15 jeŭra — materyjały sa zdymak klipa, jakija nie buduć vykarystoŭvacca ŭ inšych sacsietkach + usio vyšej
30 jeŭra — padziaka ŭ tytrach (pa žadańni) + usio vyšej
50 jeŭra — piersanalny videazvarot z padziakaj ad aŭtaraŭ + usio vyšej
100 jeŭra — vaša imia (ci imia čałavieka, jakomu vy chočacie pryśviacić padtrymku) źjavicca ŭ asobnym błoku tytraŭ jak «asablivy fundatar» (pa žadańni) + usio vyšej.