«Dabranom» zapuskaje jašče adnu sietku kramaŭ
Biełaruski rytejler «Dabranom» zarehistravaŭ kramy pad jašče adnoj vyvieskaj. U handlovych abjektach pad nazvaj Teo&Leo buduć pradavać tavary dla žyvioł, paviedamlaje Office Life.
Fota: Dabranom
U handlovym rejestry jość infarmacyja pra rehistracyju piaci mahazinaŭ zoatavaraŭ — u Hrodnie, Žodzinie, Oršy, Minsku i Lidzie. Ich płošča ŭ siarednim składaje kala 50 kv. m.
Prykmietna, što pravy na brend Teo&Leo naležać kampanii «Kankordyja Vienčurs Eł.Eł.Si-EfZiet» z AAE.
U kancy lipienia 2026 hoda jana padała ŭ Nacyjanalny centr intelektualnaj ułasnaści Biełarusi zajaŭku na rehistracyju tavarnaha znaka z nazvaj mahazinaŭ tavaraŭ dla žyvioł. A praź miesiac, u žniŭni, vyrašyła zarehistravać łahatyp sietki.