Stali viadomyja padrabiaznaści pra maštabny pažar na staličnym parkinhu

Unočy 27 vieraśnia ŭ MNS paviedamili pra pažar na adnym z parkinhaŭ u Minsku. Ratavalniki chutka likvidavali ŭzharańnie, ale try aŭtamabili zhareli, jašče siem atrymali značnyja termičnyja paškodžańni.

Pieršapačatkovyja śledčyja dziejańni pakazali, što ŭzharańnie adbyłosia ad zaniesienaj krynicy, što dazvoliła vykazać viersiju ab padpale. Paźniej na parkinhu ŭ adnym z pryparkavanych aŭtamabilaŭ zatrymali 19‑hadovaha minčuka.

Jak vyśvietliła śledstva, chłopiec byŭ mocna pjany. Viartajučysia dadomu z bara, jon spačatku paškodziŭ majomaść u tralejbusie. Paśla ž nakiravaŭsia da parkinha i raźbiŭ niekalki kamier videanazirańnia na susiednim domie.

U aŭtamabili, dzie paźniej zatrymali maładziona, jon znajšoŭ niaspraŭny zamok bahažnika i kanistru ź bienzinam. Śledčyja śćviardžajuć, što chłopiec abliŭ haručaj vadkaściu niekalki mašyn i padpaliŭ ich zapalničkaj.

Papiaredniaja suma pryčynienaj škody pieravyšaje 90 tysiač rubloŭ.

U dačynieńni da minčuka raspačali kryminalnuju spravu pavodle častki 3 artykuła 218 Kryminalnaha kodeksa — za naŭmysnaje źniščeńnie abo paškodžańnie majomaści hramadska niebiaśpiečnym sposabam, jakoje paciahnuła škodu ŭ asabliva vialikaj sumie.

Kamientary da artykuła