Pieršyja kryptabanki zarehistravali ŭ Biełarusi
Pra heta stała viadoma pa vynikach čarhovaha pasiadžeńnia naziralnaj rady Parka vysokich technałohij, što prajšło 28 vieraśnia, piša Office Life.
Jak udakładniŭ premjer-ministr Alaksandr Turčyn, hałoŭnaj temaj pasiadžeńnia staŭ pačatak pracy i rehistracyja pieršych u ajčynnaj historyi kryptabankaŭ. Pavodle jaho słoŭ, bolš za paŭhoda viałasia aktyŭnaja narmatvorčaja rabota. U vyniku zarehistravali adrazu dva kryptabanki.
Kiraŭnica Parka vysokich technałohij Hanna Rabava adznačyła, što spačatku takija kampanii źjaŭlajucca rezidentami PVT, a zatym jany prachodziać adpaviednuju akredytacyju ŭ Nacyjanalnym banku.
U siaredzinie vieraśnia stała viadoma, što ŭžo hetaj vosieńniu ŭ Biełarusi moža źjavicca pieršy kryptabank. Pra heta raskazvaŭ suzasnavalnik kampanii WhiteBird Siarhiej Čeračeń, jaki ŭ 2020 hodzie byŭ adnym z kandydataŭ na prezidenckich vybarach.
Tady jon paćvierdziŭ, što hetaja kampanija płanuje pieršaj zapuścić kryptabank u Biełarusi.
WhiteBird jašče 19 studzienia nakiravała list u Nacbank i Park vysokich technałohij ab hatoŭnaści ŭdzielničać u prajektach pa stvareńni kryptabankaŭ u Biełarusi. Ale, pavodle jaho słoŭ, takija płany jość jašče jak minimum u siami kamand.