Dźvie biełaruskija fury trapili pad udary dronaŭ na rasijskaj miažy. Adna całkam zhareła VIDEA
«Čamu naša dziaržava nas nie abaraniaje?» — pytajucca biełaruskija dalnabojniki na videa.
Skrynšot videa z sacsietak
Biełaruskija hruzaviki trapili pad udary dronaŭ niedaloka ad rasijska-biełaruskaj miažy. 25 vieraśnia bieśpiłotnik trapiŭ u furu Renault Premium z kavunami za 30 km ad pamiežnaha pierachodu «Čyrvony Kamień» u Branskaj vobłaści.
Miarkujučy pa videa, jakoje zaŭvažyŭ «Fłahštok», kabina całkam zhareła, a paŭpryčep byŭ paškodžany.
Na nastupny dzień pad ataku trapiŭ ciahač DAF XF. Na hruzaviku jość ślady ŭdaru drona pa vierchniaj častcy kabiny. Ale mašyna ŭ vyniku nie zaharełasia. Na videa jość nadpis: «Čamu naša dziaržava nas nie abaraniaje? Heta hrabnica. Dobruš».
Zdymak byŭ zrobleny na ŭjeździe ŭ mižnarodny aŭtamabilny punkt propusku «Čyrvony Kamień» na terytoryi Rasii, za 1380 mietraŭ ad miažy Biełarusi. U abodvuch vypadkach kiroŭcam pašancavała — jany nie paciarpieli.