Va Uźbiekistanie adabrali 204 čałavieki dla pracy ŭ Biełarusi
Žychary Andyžanskaj vobłaści prajšli papiaredniuju pravierku dakumientaŭ i prafiesijnych navykaŭ. Ciapier im treba budzie prajści anłajn-sumoŭje ź biełaruskimi pracadaŭcami, jakija šukajuć žyviołavodaŭ, traktarystaŭ, kiroŭcaŭ i padsobnych rabočych.
Pra adbor uźbiekaŭ dla pracy ŭ Biełarusi 26 vieraśnia paviedamiła Ahienctva pa mihracyi Uźbiekistana. Pytańnie abmiarkoŭvałasia padčas sustrečy kiraŭnika ahienctva Muchsinchodžy Abdurachmonava z pasłom Biełarusi va Uźbiekistanie Alaksandram Aharodnikavym.
Pracadaŭcy Viciebskaj vobłaści zajavili, što im patrebnyja kala 800 rabotnikaŭ. Pakul sa śpisu kandydataŭ z Andyžanskaj vobłaści papiarednie adabrali 204 čałavieki. Paźniej šukać rabotnikaŭ płanujuć i ŭ inšych rehijonach Uźbiekistana.
Baki taksama prapanavali razhledzieć mahčymaść, kab vydatki na darohu da miesca pracy apłačvali najmalniki.