U Zasłaŭi prachodzić vystava lištvaŭ. Entuzijast źbiraŭ ich pa ŭsioj krainie i restaŭravaŭ
Vystava «Draŭlanyja karunki» Uładzimira Ćvirki prachodzić u muziejna-vystavačnym kompleksie Historyka-kulturnaha muzieja-zapaviednika «Zasłaŭje» (vuł. Rynkavaja, 4).
Heta pieršaja publičnaja demanstracyja kalekcyi draŭlanych lištvaŭ, sabranaj mastakom, dyzajnieram, restaŭrataram i padarožnikam Uładzimiram Ćvirkam.
Lištva — draŭlanaje azdableńnie vakonnaha ci dźviarnoha prajomu — była hałoŭnym upryhožańniem biełaruskaj chaty, jaje «tvaram» i abiareham. Majstry-raźbiary pracavali z drevam tak ža tonka, jak tkalli pleli karunki svaich ručnikoŭ, — tamu vystava i nosić nazvu «Draŭlanyja karunki».
Heta vystava pra pryhažość, jakuju my stračvajem: draŭlanaja zabudova biełaruskich viosak sychodzić u niabyt, a razam ź joj źnikajuć i lištvy. Uładzimir Ćvirka ciaham mnohich hadoŭ źbiraŭ hetyja ŭzory pa ŭsioj Biełarusi, litaralna vyratoŭvajučy ich z-pad buldozieraŭ i restaŭrujučy.