Žychar Krasnapolla atruciŭsia hrybami i pamior
39‑hadovy mužčyna naźbiraŭ u lesie hryboŭ, dniom pajeŭ, a ŭžo ŭviečary adčuŭ rezkaje paharšeńnie samaadčuvańnia: pačalisia boli ŭ žyvacie, młosnaść, vanity, dyjareja, ahulnaja słabaść.
Fota: Dziaržkamitet sudovych ekśpiertyz
Chutkaja dapamoha dastaviła jaho ŭ centralnuju rajonnuju balnicu, a paśla pieraviali ŭ Mahiloŭskuju kliničnuju balnicu. Adnak vyratavać pacyjenta nie ŭdałosia — na siomy dzień paśla ŭžyvańnia hryboŭ jon pamior.
Ekśpiertyza Dziaržaŭnaha kamiteta sudovych ekśpiertyz Mahiloŭskaj vobłaści pryjšła da vysnovy, što śmierć mužčyny nastupiła ad vostraha atručvańnia, uskładnienaha raźvićciom sindromu poliarhannaj niedastatkovaści.