ZŠA prapanujuć try kroki dla deeskałacyi vajny va Ukrainie
Adzin z punktaŭ — enierhietyčnaje pieramirje.
Fota: Chip Somodevilla/Getty Images
ZŠA prapanujuć try kroki dla deeskałacyi vajny va Ukrainie. Pra heta prezident Ukrainy Uładzimir Zialenski paviedamiŭ u intervju Axios.
Administracyja Trampa nastojvaje na troch nieadkładnych krokach, adznačyŭ jon, — režymie spynieńnia ahniu ŭ dačynieńni da abjektaŭ enierhietyčnaj infrastruktury, adnaŭleńni pracy Čarnamorskaha zbožžavaha kalidora i trochbakovaj sustrečy ZŠA, Rasii i Ukrainy. U jakaści mahčymaha miesca praviadzieńnia takoj sustrečy nazyvajuć Abu-Dabi.
«My adkrytyja — lubaja kraina, luby farmat», — zajaviŭ Zialenski.
Taksama jon adznačyŭ, što na sustrečy z Trampam nazvaŭ śniežański samit G20 u Majami jašče adnoj mahčymaj placoŭkaj dla trochbakovaj sustrečy na vyšejšym uzroŭni.
«Ciapier na stale lažyć prapanova: enierhietyčnaje pieramirje. My hatovyja», — cytuje Zialenskaha Axios.
Zialenski taksama padkreśliŭ, što praciahvaje sumniavacca ŭ namierach Pucina i ličyć, što toj moža znajści pryčyny, kab paźbiehnuć trochbakovaj sustrečy.