U Minsku na miescy zakinutych terytoryj i starych pavietak buduć budavać katedžy
Novyja katedžy źjaviacca va ŭsich rajonach stalicy.
Ilustracyjnaje fota
U najbližejšyja hady na takich placoŭkach płanujuć pabudavać 360 katedžaŭ. Pra heta paviedamiŭ hienieralny dyrektar «Minskbuda» Anatol Viadzierčyk, pišuć «Minsk-Naviny».
Novyja katedžy źjaviacca va ŭsich rajonach stalicy — u zaležnaści ad łakacyi ŭ kožnym ź ich pabudujuć ad 1 da 25 damoŭ. Dla hetaha padbirajuć placoŭki, dzie niemahčyma raźmiaścić šmatpaviarchovuju zabudovu abo pramysłovyja abjekty.
— U Minsku jość častka placovak, jakija nie vykarystoŭvajucca. Jany albo zakinutyja, albo tam stajać niezrujnavanyja pavietki. Było pryniata rašeńnie na hetych placoŭkach, jakija niemahčyma vykarystać pad panelnaje žyllo albo jakuju-niebudź vytvorčaść, pabudavać indyvidualnyja žyłyja damy, — rastłumačyŭ Anatol Viadzierčyk.
Pieršyja dzieviać abjektaŭ pradpryjemstva ŭžo znachodziacca ŭ pracy. Dva ź ich najbližejšym časam vystaviać na aŭkcyjon, a jašče siem katedžaŭ płanujuć zdać u nastupnym hodzie. Ziamielnyja nadzieły pad budaŭnictva buduć vydavać na pravach arendy.
Pavodle słoŭ kiraŭnika «Minskbuda», damy buduć zdavacca ŭ vysokaj stupieni hatoŭnaści, z usimi padviedzienymi inžyniernymi sietkami, kab pakupnikam zastavałasia vykanać tolki čystavoje azdableńnie