Fiermier pad Brestam vyraściŭ harbuz vahoj 240 kiło
I harbuz jašče praciahvaje raści.
Skrynšot videa: STB
Fiermier i błohier Alaksandr Dziamieška ź vioski Małyja Sucharevičy pad Brestam vyraściŭ harbuz vahoj 240 kiłahramaŭ.
Pryčym harbuz jašče praciahvaje raści — da zamarazkaŭ jon moža nabrać jašče kiłahramaŭ 30.
Fiermier (pa prafiesii jon inžynier-miechanik) raskazaŭ STB, jak vyraściŭ takoha hihanta. Kaža, što dahladać treba jak maleńkaje dzicia. Z uhnajeńniaŭ Alaksandr unosiŭ kalij, kalcyj i fosfar. A ŭ vielmi soniečnyja dni zakryvaŭ harbuz, kab łupina nie ahrubieła i rost nie spyniŭsia.
Skrynšot videa: STB
Fiermier vyroščvaje vializnyja harbuzy nie pieršy siezon i vozić ich na kirmašy jak ekspanat. A paśla puskaje harbuz na narychtoŭki.