Pamierła kinaapieratarka Taćciana Łohinava
Jana źniała «Znak biady», «Čorny zamak Alšanski», «Nastaśsiu Słuckuju» i inšyja viadomyja stužki.
Biełaruski sajuz kiniematahrafistaŭ paviedamiŭ pra śmierć apieratara-pastanoŭščyka Taćciany Łohinavaj.
Jana naradziłasia ŭ 1944 hodzie ŭ Maskvie i z 1970‑ha pracavała na «Biełaruśfilmie». Łohinava była pieršaj žančynaj-apieratarkaj u historyi nacyjanalnaj kinastudyi i za paŭstahodździa źniała bolš za 35 filmaŭ. Siarod ich «Čyrvony ahat», «Jaś i Janina», «Vianok sanietaŭ», «Dzikaje palavańnie karala Stacha», «Čorny zamak Alšanski», «Znak biady» i inšyja.
U 1984 hodzie Taćciana Łohinava atrymała Dziaržaŭnuju premiju SSSR, a ŭ 2003‑m dypłom za najlepšuju apieratarskuju rabotu na kinafiestyvali «Listapad» za film «Nastaśsia Słuckaja».