Biełaruskija bijatłanisty prapuściać i hety mižnarodny siezon

Mižnarodny sajuz bijatłanistaŭ (IBU) paćvierdziŭ, što biełaruskija i rasijskija bijatłanisty nie buduć dapuščanyja da mižnarodnych spabornictvaŭ u siezonie 2026/27. Rašeńnie pryniali na kanhresie IBU ŭ niamieckim Bierchteshadenie.

Fota ilustracyjnaje

Śpiecyjalnaja manitorynhavaja hrupa IBU nie znajšła istotnych źmien, jakija mahli b stać padstavaj dla viartańnia biełaruskich i rasijskich zbornych. Rasijskija dakumienty ab vykanańni nieabchodnych umoŭ taksama pryznali nieadpaviednymi.

Pazicyja hetaj fiederacyi nie vielmi typovaja dla apošniaha času. Paśla źmieny rekamiendacyj Mižnarodnaha alimpijskaha kamiteta ŭ mai 2026 hoda šerah mižnarodnych fiederacyj užo viarnuŭ biełaruskich spartsmienaŭ da spabornictvaŭ. Siarod ich — fiederacyi baraćby, boksa, valejboła, himnastyki, handboła, tenisa, šachmat i inšych vidaŭ sportu.

U chakiei biełarusaŭ dapuścili tolki da troch turniraŭ siezona 2026/27, ale nie da hałoŭnaha mužčynskaha čempijanatu śvietu i moładzievaha čempijanatu śvietu. U skałałažańni i tenisie dazvolenyja tolki indyvidualnyja vystupleńni ŭ niejtralnym statusie.

U toj ža čas Mižnarodnaja fiederacyja lohkaj atletyki pa-raniejšamu całkam nie dapuskaje biełaruskich spartsmienaŭ da svaich spabornictvaŭ.

Kamientary da artykuła