Šviejcaryja ŭviała dadatkovyja sankcyi suprać Biełarusi
Novyja abmiežavańni adpaviadajuć sankcyjnym mieram, jakija Jeŭrasajuz pryniaŭ 23 krasavika 2026 hoda ŭ ramkach 20‑ha pakieta sankcyj ES suprać Rasii. Rašeńnie Fiederalnaj rady krainy ŭstupiła ŭ siłu 19 vieraśnia 2026 hoda.
Zdymak ilustracyjny. Fota: vecteezy.com
Jak adznačajecca ŭ dakumiencie šviejcarskich uładaŭ, hetyja miery jašče bolš zbližajuć sankcyjny režym u dačynieńni da Biełarusi z abmiežavańniami, jakija dziejničajuć suprać Rasii.
Sankcyi pašyrajuć užo najaŭnuju zabaronu na ekspart u Biełaruś tavaraŭ, jakija mohuć spryjać vajskova-technałahičnamu raźvićciu krainy abo prynosić joj istotnyja prybytki.
U finansavaj śfiery novyja abmiežavańni zakranajuć apieracyi z kryptavalutami i valutami centralnych bankaŭ, u tym liku ź biełaruskim rublom.
Akramia taho, zabaraniajecca vykonvać pasłuhi ŭ śfiery biaśpieki Biełarusi, jaje dziaržaŭnym orhanam i dziaržaŭnym karparacyjam.
Čytajcie taksama:
Tramp padpisaŭ zakon ab «piakielnych» sankcyjach suprać Rasii
Ci puścić Łatvija biełaruski kalij? Daviedalisia, što pačuŭ Koŭł u Ryzie
«Łakafarbu» i «Biellespapierpram» vyklučyli z amierykanskich sankcyjnych śpisaŭ