Biełarus vyjhraŭ u pokiernym turniry 761 tysiaču dalaraŭ
I heta nie samy vialiki pryz za pokiernuju karjeru 38‑hadovaha Alaksieja Bojki.
Fota: tightpoker.com
Biełarus Alaksiej Bojka vyjhraŭ u pokiernym turniry 761 tysiaču dalaraŭ. Turnir Triton Poker Series Jeju II prachodziŭ u kazino na vostravie Čedžu ŭ Paŭdniovaj Karei. Bojka abyhraŭ 131 supiernika.
Pryzavy fond skłaŭ amal $3,3 miljona — hrošy atrymali 23 najlepšyja hulcy.
«Hety turnir patrabavaŭ šmat udačy», — skazaŭ biełarus. «Časam heta lepš, čym majsterstva».
Alaksieju Bojku 38 hadoŭ. Jon šmat hadoŭ hraje na turnirach i zavajoŭvaje trafiei. Ciapierašni vyjhryš — nie samy vialiki ŭ jaho karjery.
Tak, u sakaviku 2025 hoda Bojka zaniaŭ šostaje miesca ŭ turniry NLHE Triton Poker Super High Roller i vyjhraŭ 1,288 miljona dalaraŭ. Praz dva miesiacy Bojka dvojčy papaŭ u pryzy na etapie Triton u Čarnahoryi, ahulnaja suma vypłat skłała 638 000 dalaraŭ.
Ahulnyja pryzavyja ŭ turnirach za roznyja hady pieravysili 7 miljonaŭ dalaraŭ.