Hurt Dlina Volny vypuściŭ pieršy biełaruskamoŭny trek
«Heta dziońnikavy zapis, adrasavany tym, chto złoŭžyvaje svajoj uładaj, a taksama niazdolnaści samoha aŭtara ciarpieć heta dalej».
Fota: Alina Mazaviec / KLIK
Hurt Dlina Volny vypuściŭ pieršy biełaruskamoŭny trek. Pieśnia nazyvajecca «Vočy».
«Hety trek — naš pieršy reliz na biełaruskaj movie. My ŭžo niekalki hadoŭ vykonvajem hetuju pieśniu na rodnaj movie, i nam zdałosia, što nadyšoŭ čas narešcie hodna vyvieści hetuju viersiju ŭ śviet. Heta dziońnikavy zapis, adrasavany tym, chto złoŭžyvaje svajoj uładaj, a taksama niazdolnaści samoha aŭtara ciarpieć heta dalej», — apisvaje hurt u sacsietkach.
Upieršyniu pieśnia vyjšła pa-rusku pad nazvaj «Hłaza» ŭ składzie zbornika «Long Play Belarus» u listapadzie 2020 hoda.
«Jana zastajecca takoj ža aktualnaj siońnia, jak i tady. My pa-raniejšamu žyviom u pastajannym strumieni infarmacyi, sprabujučy nie patanuć pad ciažaram chłuśni, kryvadušnaści i niespraviadlivaści, čaplajučysia za praŭdu i namahajučysia ŭtrymacca na płavie», — razvažaje hurt.
Hurt źjaviŭsia ŭ 2016 hodzie ŭ Minsku. Stvaraje muzyku ŭ žanrach ńju-vejv, post-pank, sint-pop.