U Biełarusi rychtujuć ukaz ab Parku vysokich technałohij
Pra padrychtoŭku novaha ŭkaza, jaki budzie rehulavać pracu Parku vysokich technałohij, paviedamiła načalnica sakrataryjata Naziralnaj rady PVT Hanna Rabava. Pa jaje słovach, prajekt dakumienta ciapier prachodzić aprabacyju ŭ dziaržaŭnych orhanach.
Zdymak ilustracyjny. Fota: Lookby.media
Pavodle słoŭ Hanny Rabavaj, umovy dla pracy ŭ śfiery vysokich technałohij nielha ličyć niaźmiennymi, pakolki inšyja krainy taksama pastajanna ŭdaskanalvajuć svaje ŭmovy i stvarajuć bolš ilhotnyja režymy, kab zavabić biznes i pierachapić rynki dy aŭdytoryju. Tamu Biełaruś taksama vymušanaja adaptavać svaje instytucyjnyja patrabavańni.
Rabova paviedamiła, što ciapier rychtujecca da pryniaćcia tak zvany ŭkaz «PVT 3.0». Paśla zakančeńnia aprabacyi ŭ dziaržaŭnych orhanach novyja normy płanujuć pradstavić hramadskaści.
17 vieraśnia jakraz adbyłosia pasiadžeńnie Naziralnaj rady Parku vysokich technałohij, jakoje pravioŭ premjer-ministr Biełarusi Alaksandr Turčyn. Na pasiadžeńni razhledzieli pytańni rehistracyi novych rezidentaŭ PVT i zaćviardžeńnia biznes-prajektaŭ. Akramia taho, abmiarkoŭvałasia ŭklučeńnie novaha vidu dziejnaści z vykarystańniem adytyŭnych technałohij, a taksama pytańni kryptaśfiery.
Pa słovach Hanny Rabavaj, na pasiadžeńni razhladajucca zajaŭki bolš čym 30 kampanij. Tolki nievialikaja ich častka pracuje pa zakaznoj madeli, a astatnija vykarystoŭvajuć praduktovuju abo źmiešanuju madel.
Čytajcie taksama:
U Biełarusi ŭžo ŭ najbližejšy čas źjaviacca kryptabanki