22‑hadovaja dziaŭčyna ŭznačaliła turecki futbolny kłub
Ziejnep Miestan pryznačanaja hałoŭnym trenieram mužčynskaj kamandy «Turhutłuspora».
Fota: sacsietki
«Žadajem Ziejnep Miestan, jakaja voźmie na siabie kiraŭnictva novym farmavańniem i techničnaj strukturaj našaha kłuba, pośpiechaŭ pad čyrvona-čornaj emblemaj», — havorycca ŭ zajavie kłuba.
22‑hadovaja Miestan stała pieršaj žančynaj na hetaj pasadzie ŭ historyi «Turhutłuspora», piša Championat.com.
Prezident kłuba Jyłmaz Hienčciurk zajaviŭ, što Miestan abrali paśla vyvučeńnia jaje prajekta i kansultacyj z trenierskim štabam. Na prezientacyi Miestan prademanstravała futbolnyja navyki: trenierka ŭ tuflach na abcasach niekalki razoŭ nabiła miač.
Fota: FK «Turhutłuspor»
Miestan naradziłasia 30 lipienia 2004 hoda ŭ Iźmiry. Jana pačała futbolnuju karjeru ŭ 2019 hodzie. Jana rana zaviaršyła karjeru futbalistki, pakolki chacieła pastupić na spartyŭny fakultet i zrabić trenierskuju pracu svajoj hałoŭnaj metaj.
Dziaŭčyna taksama akreśliła doŭhaterminovuju metu — vyvieści «Turhutłuspor» u Pieršuju lihu Turcyi (druhi pa sile dyvizijon) na praciahu piaci hadoŭ. Zaraz kłub vystupaje na amatarskim uzroŭni, heta čaćviorty dyvizijon.