YouTube znoŭ zabłakavaŭ adzin z kanałaŭ telekanała STB. Hetym razam — prosta padčas žyvoha efiru

U ban pajšło prapahandysckaje tok-šou «Pa sutnaści», pryśviečanaje aficyjoznamu Dniu narodnaha adzinstva. 

«Prosta zaraz, u razhar abmierkavańnia Dnia narodnaha adzinstva i histaryčnaj praŭdy, IT-hihant zabłakavaŭ naš akaŭnt», — zajavili ŭ STB.

Błakavańnie dla siabie mahčymaści pašyrać prapahandu na YouTube pradstaŭniki STB nazvali prajavaj infarmacyjnaj vajny. 

Paśla spynieńnia tranślacyi telekanał paviedamiŭ, što praciahvaje viaščańnie prahramy na alternatyŭnych placoŭkach — u sacyjalnaj sietcy «UKantakcie» i na Videobel.

Paźniej stała viadoma taksama pra vydaleńnie z YouTube kanałaŭ «Radyjo Kultura BY», «Radyjo Stalica» i Pieršaha kanała biełaruskaha radyjo.

Heta nie pieršy vypadak, kali YouTube błakuje biełaruskija dziaržaŭnyja miedyja. U pačatku krasavika 2026 hoda płatforma vydaliła kanały ANT, STB i BiełTA. Toj ža los nieŭzabavie spaścih i novy kanał STB.

Kamientary da artykuła