Tramp skasuje pošliny na irłandski viski, bo «prasili ŭsie»
«Usie mianie ŭžo dastali z hetaj prośbaj», — skazaŭ prezident ZŠA.
AP Photo / Julia Demaree Nikhinson
Prezident ZŠA Donald Tramp u niadzielu, naprykancy holf-turniru ŭ Irłandyi, zajaviŭ, što płanuje admianić 10‑pracentny taryf na irłandski viski, piša AP.
Padčas cyrymonii ŭznaharodžańnia pieramožcaŭ Irish Open Tramp skazaŭ, što pra heta jaho prasili ŭsie, u tym liku premjer-ministr Irłandyi Michał Marcin i navat niekatoryja halfisty.
Pavodle słoŭ Trampa, siarod ich byŭ i pieramožca Irish Open Šejn Łoŭry.
«Usie mianie ŭžo dastali z hetaj prośbaj, — skazaŭ Tramp. — I ja skazaŭ: «Ad imia Złučanych Štataŭ Amieryki ja admianiu taryfy» (na irłandski viski).
Zaraz na irłandski viski raspaŭsiudžvajecca standartny taryf, uviedzieny Trampam dla bolšaści impartnych tavaraŭ ź Jeŭrapiejskaha sajuza. U lipieni hety taryf byŭ źnižany z 15% da 10%.
U krasaviku Tramp abviaściŭ ab admienie niekatorych taryfaŭ na viski ź Vialikabrytanii, u tym liku šatłandski viski i ałkaholnyja napoi, jakija vyrablajucca ŭ Paŭnočnaj Irłandyi. Heta stvaryła dysbałans u dačynieńni da Irłandyi.