Biełarusy adkryli ŭ Polščy pieršuju biełaruskuju hiniekałahičnuju kliniku. Nakolki paśpiachova?
Kiruje ŭstanovaj viadomaja akušer-hiniekołah, jakaja pierajechała ŭ Varšavu ź Lidy, Hanna Kasko.
Hanna Kasko. Fota: dr_kasko / Instagram
U Varšavie ź minułaha hoda pracuje pieršaja biełaruskaja hiniekałahičnaja klinika ŭ Polščy Dr.Kasko Clinic Nr 1. Nakolki paśpiachovy zapusk, možna pabačyć u śviežaj spravazdačy, piša ekanamist Vadzim Siachovič.
U kliniku inviestavaŭ Vadzim Kasko (90% u kapitale), a kiruje ŭstanovaj jaho žonka — viadomaja akušer-hiniekołah, jakaja pierajechała ŭ Varšavu ź Lidy, Hanna Kasko.
Za mienš čym try miesiacy dziejnaści (start byŭ u kastryčniku 2025-ha) pad jaje kiraŭnictvam kalektyŭ Dr. Kasko Clinic Nr 1 nahienieravaŭ vyručki na sumu kala 360 tysiač jeŭra ŭ ekvivalencie. Vydatki na zapusk abumovili stratu pryblizna na 60 tysiač jeŭra.
Miedycynski biznes siamji Kasko abyšoŭ pa vyručcy ich inšaje ŭkładańnie. Transpartnaja kampanija Era Med Trans, jakaja isnuje z 2021 hoda, vykanała ŭ 2025‑m pasłuh na 240 tysiač jeŭra.