400 ton piasku i trybuny na 1800 čałaviek. Voś što zrabili na Niamizie
Minsk znoŭ prymaje mižnarodny turnir pa plažnym valejbole — Kubak Pieramohi, u jakim udzielničajuć 12 mužčynskich i žanočych kamand. Onliner pabyvaŭ na spabornictvach.
Kab arhanizavać taki turnir, na Niamizie daviałosia za niekalki dzion pabudavać sapraŭdny stadyjon. Plažu tut, zrazumieła, niama, tamu dziela valejboła ŭ centr Minska zavieźli kala 400 ton kvarcavaha piasku z-pad Homiela. Trybuny mohuć źmiaścić 1800 hledačoŭ adnačasova.
Zrešty, ničoha niezvyčajnaha ŭ takim farmacie niama. Arhanizatary bujnych turniraŭ užo nie pieršy hod adychodziać ad praktyki praviadzieńnia spabornictvaŭ niepasredna na plažach i niaredka ładziać placoŭki ŭ znakavych miescach. Naprykład, u Paryžy ŭ plažny valejboł hulali la Ejfielevaj viežy, a ŭ Sankt-Pieciarburhu — na Pałacavaj płoščy.
Najlepšy vynik siarod biełaruskich spartsmienaŭ pakazali Viktoryja Sakretava i Nadzieja Ciškova: dziaŭčaty vyjšli ŭ finał, pieramohšy ŭ paŭfinale rasijanak Kryścinu Filimonavu i Kaciarynu Šaŭcovu, jakija pradstaŭlajuć maskoŭskaje «Dynama».
Za pieramohu ŭ turniry našy spartsmienki pazmahajucca z Maryjaj Jahoravaj i Maryjaj Łazurenkaj z kalininhradskaha «Łakamatyva».
Što tyčycca mužčyn, to duet Alaksandra Dziadkova i Paŭła Pietruški pazmahajecca za treciaje miesca z rasijanami Viačasłavam Krasilnikavym i Uładzisłavam Rejnsanam z «Dynama».
Matčy za treciaje miesca pačnucca ŭ subotu a 16:00, finały — z 18:00. Kvitki možna nabyć u anłajn-kasach.