«Załataja epocha Amieryki». Tramp na źjeździe respublikancaŭ pachvaliŭ svaju pracu
Prezident ZŠA zaviaršyŭ źjezd Respublikanskaj partyi ŭ Dałasie zaklikam iści na vybary i sieryjaj zajaŭ pra ŭłasnyja pośpiechi.
Zachoplenyja pramovaj Trampa ŭdzielnicy źjezda. AP Photo / Julia Demaree Nikhinson
Paśla vystupleńnia vice-prezidenta Džeja Dzi Vensa Tramp znoŭ vyjšaŭ da mikrafona i zajaviŭ, što pry Džo Bajdenie ZŠA byli «paśmiešyščam dla ŭsiaho śvietu», a jaho administracyja pieratvaryła «ciomnuju epochu Amieryki» ŭ «załatuju», piša Bild.
Tramp taksama pachvaliŭ stan amierykanskaj ekanomiki, zajaviŭšy pra 80 rekordaŭ fondavaha rynku, mocny rynak pracy i vykanańnie pieradvybarnych abiacańniaŭ. Pry hetym na rynkach zachoŭvajecca niervovaść: indeks S&P 500 napiaredadni źnižaŭsia čaćviortuju siesiju zapar, a nafta handlavałasia vyšej za 100 dołaraŭ za barel.
Asobna prezident źviarnuŭ uvahu na zapoŭnienaść areny American Airlines Center, raźličanaj prykładna na 20 tysiač čałaviek. Spačatku jon zajaviŭ, što «svabodnych miescaŭ niama», adnak vierchnija jarusy byli ŭ značnaj stupieni pustymi.
U kancy pramovy Tramp zaklikaŭ prychilnikaŭ «iści i hałasavać».
Zatym na scenie vystupiŭ opierny śpiavak Krystafier Makijo ź pieśniaj «America the Beautiful», a sa stoli pačali padać pavietranyja šary.